المساعد الشخصي الرقمي

مشاهدة النسخة كاملة : حب في ثلاثين يوماً


امينة خالد
10-08-2015, 12:19 AM
الإهتمام يخلق حب من العدم، وانعدامه يقتل أكبر حب
http://forums.graaam.com/images/images_thumbs/58bb2d9759650662698a41fe7ab76581.jpg

قبل ثلآث سنوآت ..
فتآة على كل لسآن لا يخلوا الحديث منهآ .. تدعى "أنفال"
كآنت تعشق وتهوى "ليث"
لكن أتى ذلك اليوم ،
فقتلت أنفال ليث
وأختفت بدون سآبق إنذآر ...

بعد ثلاث سنوآت

الساعه 2:30 الظهر
دخلت جمانه على اطراف رجولها وفتحت الباب بهدوء ناظرت جوري نايمه بعمق ابتسمت على شكلها
كانت البطانيه طايحه جنب السرير وبطنها طالع
فتحت النور وصرخت صرخه خلت الجوري تقوم وهي مفجوعه
جوري وهي معصبه : يا حيـوا##
جمانه : ههههههههههههههههههههههههههههههههههههه ه ههه ههههههههههه
جوري ضربت جمانه: اوريك يا تبنه والله لا اقول لجدتي
جمانه : تعـ هههههههههههههه تعالي وين رايحه !!
جوري بوزت عند جدتها : خلاص زعلت ابهاجر
الجدة : اسكتن عورتن راسي اربع وعشرين ساعه تتذابحون
جمانه : خلاص تيتا ماراح اعيدها
الجدة : جمانه متى بيبدا شغلك
جمانه : اذا رجعنا من السفره
الجدة : الله يوفقك يارب ، يا سرع الدنيا اليوم جوري صار عمرها 20 وجمانه كملت ال25 ولقت لها شغل
جوري : يا حياتي يا جمون حنا اذا رجعنا من السفره بنرتاح وانتي بيبدا الكرف والشغل
جمانه : الله يعين بس .. عاد لو طلع رئيس شغلي مز يمكن يهون علي شوي
جوري : والله يا خوفي يطلع شايب وتتحطمين ياقلبي انتي
جمانه : هههههههههههههههههههههه يلا مناك بس ، لا تزوجت الغني بتجين عندي تتدحوسين
جوري : بسيطه ... باخذ اخوه
جمانه : واذا ماعنده اخوان !!!؟
جوري : يكون احسن .. لاني باخذ ابوه
جمانه : هههههههههههههههههههههههههههههههههههه ، وش تبين فيه شايب
جوري : ايه والله شايب ازين الولد يعلل والشايب يدلل .. وغير كذا يكون شايب احسن يمديني اذبحه واخذ فلوسه واروح ادور فارس الاحلام عاد
جمانه : يا حظه الاقشر ذا اللي داعيه عليه امه
جوري : لا وانتي صادقه ذا الي داعية له امها بليلة القدر
جمانه : غرورك ذا بيوديك بداهيه
جوري : طبعاً ، يحق لي .. يلا عن اذنك بروح اكلم البنات رنون وتلو

ملاحظة :
" امهم وابوهم متوفيين عايشين عند جدتهم "
" جوري قبل ثلاث سنوات فقدت الذاكرة واحتمال رجوع ذاكرتها 1% "
~ ~ ~ ~ ~
في مكان آخر .. في مدينة لندن العريقة
بدر تنهد
فارس : وش عندك بعد !
بدر : حرام الواحد ما يتنهد يعني
فارس : وجع وجع خلاص ماقلنا شي ترى
بدر : فارييييس
فارس : يع ناديني بأسمي .. مو فاريس تقول اثيوبيين
بدر ضحك بخفه : طيب طيب فاريس قوم خلنا نتعشى
فارس : وين ؟
بدر : أي مكان .. وخل نتصل على العيال بعد
فارس : مين ! عساك بتتصل على فيصلوه الدب بعد
بدر : ايه فيصل وراكان
فارس : مالي خلق اشوفه
بدر : هآو شفيك على الولد ولا علشانه مو من مستواك ياولد الاغنياء !!
فارس : تعرف .. ثقيل دم فيصلوه
بدر : حرام عليك .. قوم قوم بس واترك الدلع للبنات
فارس : والله يبي لك من يصكك بكف علشان تعرف من ذا اللي يتدلع
بدر : هههههههههههههههههه
فارس ابتسم : يلا شمينا ( يعني مشينا )
~ ~ ~ ~ ~
الرياض - عند البنات
كانو يكلمون بعض سكايب
جوري : ايوه كملي وش صار ؟
رنين : قلت لهم تعالو بعدين ماعندنا فلوس .. والله ياجوري وتالا ذبحوني هالديانين ما بقو لي شي
تالا : قلت لك كم مره خل اساعدك بالمبلغ انا صديقتك
رنين : تالا بحكم انك غنيه مو يعني تطيرين فلوسك بكل مكان
تالا : لا تقولين كذا انتي صديقتي و...
رنين : خلاص تلو انا بدبر نفسي ماعليك
تالا : ماعلي ماعلي ابرسلك الفلوس على حسابك ورديها لي بعدين علشان عزة نفسك
رنين : يا تالا ما له داعي
تالا : اووووص ولا كلمة .. احنا خوات
جوري : خلصتو ؟ وانتم تتعازمون لكم ساعه
رنين : ايه
تالا : نوني شخبار امك ؟
جوري : ايه والله عساها بخير !!
رنين تنهدت بصوت مسموع : والله حالتها متدنيه
جوري : ياحياتي نوني الله يكون بعونك
تالا : جوجو .. سلمى بتجي معنا صح ؟
جوري : ايه بتسافر معنا من رداة الحظ
تالا : يا شين طبعها .. هي بنت خالك خالد ؟
جوري : ايه هاو .. شفيك تلو فقدتي الذاكرة
تالا : لا بس .. تذكرت ايام الثانويه لما كانت تتبلى علينا
رنين : اوووف هي اشين شي بالروحه
جوري : جدتي تقول خوذوها معكم .. والله وافقنا علشان غلاة خالي خالد ولا سلمى وامها ما يستاهلون نفكر فيهم
تالا : ماعليك منهم احقريهم نبي نستانس
~ ~ ~ ~ ~
لندن – المطعم
بدر : ها يا عيال وش تبون تطلبون ؟!
فارس بدون نفس : أي شي
فيصل : شلونك فارس
فارس وهو مو طايقه : بخير الحمدلله
راكان حس الوضع متكهرب ف حب يلطف الجو : ايوه فيصل وش اخر اخبار البنت الي تكلمها .. بتتزوجها؟
فيصل : خطبتها رسمي وان شاء الله بس اخلص بعثتي اتزوجها .. بس مدري بيننا هالمشاكل مدري كيف اخليها تتعلق فيني بقوه
راكان : طيب انا راح اقولك الحل
فارس بسخريه : شعندها فوزيه الدريع
بدر : ههههههههههههههههههههه
راكان ناظره بنص عين : اوووص ولا كلمه
فارس : تجيبون المرض والله
فيصل : ماعليك منهم .. كمل
~ ~ ~ ~ ~
الرياض – رنين
رنين : عبود
عبدالله : سمي
رنين : ابروح اغسل المواعين .. انتبه لأمي
عبدالله : ان شاء الله
رنين : ياقلبي عليك .. توك صغير ع المسؤوليه .. واذا سافرت قلت لأم سلطان جارتنا تجي تقعد عندكم لما ارجع
عبدالله : لا يا رنين صار عمري 12 صرت رجال واعتمد على نفسي
رنين مسحت عليه بلطف وابتسمت : ايه .. يا بختي فيك يا رجال يلا بروح اغسل المواعين .. انتبه لامي لاتنسى .. وصلاتك لا تخليها
عبدالله : ان شاء الله
~ ~ ~ ~ ~
بيت جوري
جوري تكلم تالا بفرح : والله ماني مصدقة اننا بنسافر انا وياك ونوني
تالا : دايم كنت احلم اسافر معكم
جوري : واحلى شي بنوسع صدر نوني الله يعينها
تالا : الوعد اليوم بالحفله
جوري : اهم شي يالفاهيه لا تنسين شنطة السفر
تالا : متى بتقلع الطيارة ؟
جوري : اتوقع بتقلع الطيارة بكرا الساعة 7 الصباح
تالا : يعني اليوم ابنام ببيتك .. وبكرا الصباح الساعه 5 نمر نوني
جوري : يب يب كذا .. خالي خالد بس يوصي هو وجدتي من امس
تالا : ياقلبي .. شكلهم بيفقدونكم 30 يوم برا .. جهزتي شنطتك انتي وجمون؟
جوري : ايه جهزتها وباقيلي شوي .. وخليت شنطه فاضيه .. بحط فيها وحده شقرا لخالي .. وواحد مز لجدتي
تالا : هههههههههههههههههه ياقلبي عليها جدتك .. سلميلي عليها
جوري : ان شاء الله يوصل يا قلبي .. يلا اجل بكمل تجهيز شنطتي .. باي
تالا : باي
سكرت جوري من تالا
جمانه : خلصتي ؟
جوري : باقيلي شوي
جمانه : طيب قومي فيه غبار خفيف برا .. سكري الدرايش
جوري تنهدت وبملل : طيب .. احلى شي بسفرة لندن انه ما فيه غبار
جمانه : ايه بتتعودين ع الجو هناك لمدة 30 يوم وبترجعين وبيرجعلك الغبار
جوري : بس تصدقين يا جمون .. راح اشتاق للرياض .. يازين الرياض ويازين غبارها
جمانه : ايه والله صادقه .. 30 يوم مو شويه ..
قامت وجوري وفتحت باب الغرفه لقت سلمى تتسمع
جوري تخصرت : شعندك ؟ تدرين انه حرام الواحد يتجسس
سلمى ناظرتها باحتقار ومشت
~ ~ ~ ~ ~
رنين
رنين : مشكورة ما تقصرين يا أم سلطان والله اني مستحيه منك
أم سلطان ابتسمت : لا يا رنين شدعوا انتي بنيتي واهم شي تستانسين هناك
رنين : الله يعافيك .. لا خلا ولا عدم
أم سلطان : يلا يا بنيتي اخليك
رنين : مع السلامة
أم سلطان : مع السلامة
سكرت رنين
اول ما سكرت رجع جوالها يدق
رنين : هلا
تالا : نوني اطلعي انا عند الباب
رنين : اوك بلبس عبايتي واطلع
تالا : اوك قلبو بانتظارك .. باي
رنين : باي
~ ~ ~ ~ ~
وصلو بيت جوري
وعدت الحفله على خير
~ ~ ~ ~ ~
يوم جديد ( الرياض – الساعة : 5:30 )
جمانه قامت مفجوعه صرخت : ججججججوووووووووووررررررررريييييي !!!!
جوري فزت من النوم : بسم الله ساكنهم ما ساكنهم نعم
جمانه : ش ششووووفي الساعه كم خمس ونص متآخرين
جوري ناظرت جوالها لقت 20 اتصال من رنين
جوري : تالا تالا قووومييي يلا متاخرين
تالا قامت وقعدت تلبس وتصلي هي وجوري
جمانه : بروح اقوم خالي خالد علشان يودينا المطار
جمانه صلت وراحت ركض ع الصاله دورتهم ما لقت احد وركضت للحوش ولقتهم قاعدين يتقهوون وسلمى معهم ولا فكرت تقومهم
جمانه : خالي خخخالللدددددد قممم ودنا
خالد : اعصابك قومي يالله .. بتفوتكم الطياره انتبهو لبنتي
جمانه بنفسها ( عساها الي مانيب قايله هالعقربه ) : بعيوننا يا خالي
لبسو عباياتهم ونقاباتهم وودعو جدتهم وركبو السيارة متجهين لبيت رنين
جمانه : اشوا ان المطار قريب لم بيت نوني
خالد : وشلونك يا بنتي تالا ؟
تالا بصوت يالله ينسمع : بخير الله يسلمك
جوري : خالي خالد بسرعه اسرع لم بيت نوني
خالد : طيب عمتي
وصلو بيت رنين ونزلت بعد ما ودعت اخوها وامها
مشوا متجهين للمطار ووصلوا كملو اجراءات السفر واتجهو للطياره الساعه 7
ركبوا لطياره ( جمانه + جوري + رنين + تالا + سلمى )
~ ~ ~ ~ ~
لندن – فارس
فارس جته رساله على جواله .. وبدون مايفتح الجوال كان عارف محتوى الرساله
" سأكون هناك .. المرسل : انفال "
سكن الخوف بقلبه
كل يوم لمدة ثلاث سنوات الي راحت كل يوم تجيه هالرساله نفس النص يتكرر بدون أي جديد
~ ~ ~ ~ ~
لندن – البنات
البنات دخلو الفندق – علشان الفندق غالي سكنو مع بعض
كان عباره عن غرفتين وحمامين وصاله ومطبخ
الغرفه 1 (تالا + رنين)
الغرفه 2 (جمانه + سلمى + جوري)
اول ما دخلوا
جوري : واااااااااااااااااااااااااااو يسلمو تلو .. اختيارك روعه
سلمى توها مرسلة رساله .. سكرت الجوال بارتباك لما سألتها جمانه
جمانه : سلمى شعندك من تراسلين ؟
سلمى بارتباك واضح : مالك دخل ماراسل احد
كانت جوري معروفه بجمالها هي وجمانه
ماكانو ابداً يشبهون بعض
الي يشوفهم ما يصدق انهم خوات اصلاً
كانت جوري تملك البشرة ناصعة البياض
عيون زرقاء كـ لون البحر في وضح النهار
وشعرها الاشقر الطويل الناعم
كانت ملامحها بيبي فيس
عندها غمازتين – انفها صغير – شفايفها صغار
الي يشوفها ما يقول سعوديه

بس جمانه كانت ملامحها حاده
تمتلك ملامح المرأة الخليجيه الاصليه
عيونها كبار وسودا سواد الليل – شعرها اسود – بشرتها برونزيه

وسلمى كان مستوى جمالها مملوحه عيونها سودا وشعرها اصفر (صبغه)
تالا كانت تشبه المغنيه الكوريه IU
ورنين كان شعرها قصير مثل بيبي عبدالمحسن وبشرتها برونزي فاتح وملامحها بريئه
اول ما وصلو البنات نامو
~ ~ ~ ~ ~
يوم جديد ( لندن )

البنات كانو قايمين من الفجر
جمانه : بنات خل ننزل نفطر
جوري : قدام
جوري وجمانه وتالا ورنين كانو متلثمين
سلمى فاكه الشعر ولابسه بنطلون ضيق وحاطه مكياج < الله يهديك
نزلو تحت وافطرو
جوري : جمانه
جمانه وهي تاكل : هههااه
جوري : مين انفال ؟! ادري اني ازعجتك كل يوم من ثلاث سنوات اسألك نفس السؤال وتسكتين .. ويزيد فضولي عن هالبنت كل يوم
جمانه قعدت الشوكه وسكتت
رنين وتالا وسلمى منتبهييييييين للي بتقوله مع انهم عارفين الجاوب وعارفين قصة انفال
جمانه : جوري .. لأول مره من يوم فقدتي ذاكرتك قبل ثلاث سنين بجاوبك ومره وحده .. فأسمعي
جوري فتحت عيونها بإنصات تام
جمانه :
قبل ثلاث سنين ..
كان فيه بنت تسمى حكاية المجتمع بذاك الوقت
كلن كان يتكلم عنها .. وكل واحد يحط من كيسه شي
يعني كل واحد يطلع عنها اشاعة غير من يوم عرفو قصتها
انفال .. بنت حبت واحد اسمه ليث
حبته بجنوووووووون لدرجة كانت تعشق الارض الي يمشي عليها
كلن كان يحسدها على هالحب
وماكانت مقدره العادات والتقاليد وانو البنت ما تحب الا زوجها
حبته غصبن عن الكل وفرضت كلمتها
الكل كان يتكلم ويتكلم
لما جا اليوم الي محد قدر يفسره
وقتلت ليث
..جمانه سكتت شوي واخذت نفس بعدين كملت :
قتلته .. انفال قتلت الي كانت تعشقه
جوري كانت متأثره
كملت جمانه :
لما قتلته علطول سوت حادث واختفت
محد يدري عنها ..
هي ماتت ! ولا انمحيت من الوجود !!
بس سمعت من صديقتي انو ولد عم ليث حقد ع انفال
وكل يوم من يوم اختفت انفال وهو يجيه رسايل منها
نفس الرساله " سأكون هناك "
وبس .. هذي قصة انفال الي الكل كان يتكلم عنها
حبت وقتلت حبيبها

جوري سكتت شوي .. حبت تغير الموضوع لان حست بكتمه وبأنها تعرف هالانفال هذي !!
وكان فيه نظرات حقد موجهة من احدهم لأحدهم
جوري : ماااش مب زين فطورهم الله يعز النعمه .. مشتهيه صبة فلافل
تالا حبت تلطف الجو وحست ب جوري : اتذكر لما جينا لندن كان فيه واحد يبيع فلافل
جوري : امانة تلو
سلمى :... اومق مو ستايلي
جوري : تلايطي بس
تالا يلا بنات خلو نروح للكشك الي اقولكم

راحو .. وفعلا لقو كشك يبيع فلافل
اخذت لها صبة وقعدت على الكراسي
بينما البنات قالو بيروحون يدخلون محل
وقعدت جوري لحالها بالكراسي تاكل من ورا اللثمه
بالوقت نفسو كان فارس وراكان وفيصل وبدر يتمشون بنفس المنطقه
قعد فارس بجنب جوري
فارس عرف انها عربيه من اللثمه
وحس انه يعرف هالعيون
فارس : الله يصرعك على هالريحه وش تاكلين انتي
جوري ما ردت
فارس : وجع وش ذا الكبد
ناظرته باحتقار وقالت : نعمة ربي .. بعد مو عاجبك قم انقلع ولا تدعي
فارس : ما بقا الا انتي تعلميني وش اسوي .. هيه انتي ترى انا فارس ال........
ناظرته : والطقـ## .. وش اسويلك انت واسمك
فارس حب ينرفزها : تعرفين هالعائلة زين .. اغنى عائلة بالسعوديه يمديني اوديك ورا الشمس
جوري : أي الله يخليك .. من زمان خاطري اسوي تان .. اقول بس قم انقلع لا افقع وجهك .. خلني آكل لقمتي مثل الناس قسم بالله صارت مر
فارس ابتسم : بتندمين على هالكلام
جو البنات
سلمى خقت على فارس ( وه وه شوفوه الجمال والعيون البنيه الناعسه ولا الشعر البني ولا البياض ولا الطول )
سلمى نعمت صوتها : هاي جوجو
جوري خلصت ماكله وقامت : ما شاء الله من متى المعرفه علشان اندم .. وانتي شفيك فجأه طبت عليك الطيبه
سلمى تجاهلت كلامها : مين هذا ؟!
جوري : سبحان الله الطيور على اشباهها تقع .. هذا من نوعك روحي له
فارس اول مره بنت ترد عليه انقهر منها وبنفس الوقت اعجبته جرئتها : هي لا تلعبين مع اسيادك
جمانه : هي هي خير ان شاء الله قم مناك يالله
رنين : بنات امشوا
بعد ما راحوا البنات
فارس يكلم السكرتير : خل نلعب شوي .. نبش لي عن خلفية هالبنت
السكرتير : ان شاء الله طال عمرك
فارس : وموضوع انفال خلصته ؟
السكرتير : لسا ما لقيتها


هناك أمور صغيرة جداً تُفسِد أشياء عظيمة وعميقة جداً دون أن نشعر !

http://up.graaam.com/uploads/imag-6/uploadb57f5edbb0.jpg

وين انا !!
مكان غريب !
رجل يحتضر ويلفظ انفاسه الاخيره
لحظه لحظه .. من هذا الشخص ؟
وليش يمسك بسكينه يغطيها الدم
.. قتله؟ ..........يقرب لي ببطئ ....ماسك السكين
..
فزت بسرعه وهي تصرخ
جمانه : بسم الله عليك جوري شفيك
جوري بدت تبكي وتشاهق والعرق يصب منها .. تحس نفسها مكتومه
جمانه جابت مويه
جمانه : بسم الله عليك يا قلبي اشربي وتعوذي من ابليس كنتي تحلمين
جوري وهي تتنفس بسرعه : الحمدلله الحمدلله انه حلم
جمانه : وش حلمتي فيه
جوري سكتت
جمانه : بخليك ترتاحين الحين ، الساعه 11 يلا نامي
جوري هزت راسها

قعدت تفكر وتفكر وتفكر
مين الي بالحلم ؟
شفت وجيههم بس مادققت فيهم زين
احسن شي انام وافتك
~ ~ ~ ~ ~
الرياض
ماسكة الميموري ومنيمة راسها ع الطاوله وتتأملها
تنهدت بقوه وبحزن .. رجعت شعرها على ورا
طق الباب
لمى : مين ؟
....: انا زياد
لمى : تفضل
زياد : لمى فيه خبر بمليون
لمى ابتسمت : قول
زياد بمرح : اول شي قوليلي مين ذيك صديقتك الي مره دخلت عليكم بالغلط وكانت لابسه بلوزه ملونه وجاكيت ازرق ووو
لمى طيرت عيونها : خير زيادوه .. طالت وشمخت .. اشوف بعد بدينا نقزقز ، لا مالك حق صراحه تعال اقعد معنا بعد علشان تكمل وجب معاك حب وشاهي .. ولا وش رايك سيد زياد ؟!
زياد : أي والله فكرة ماهيب شينه المره الجايه ان شاء الله
لمى : اخلص قول وش السالفه ؟
زياد : طيب اف .. فارس بعد 27 يوم بيرجع للسعوديه
لمى بعدم اهتمام : طيب ...وبعدين ؟!
زياد : هو خطيبك .. ماتهتمين ؟
لمى : والله ماهو خطيبي ولا ابيه .. انتم خليتوه خطيبي بعدم رضاي
زياد : يابنت الحلال شفيك عاد لا تطولينها وهي قصيره ..هو خطيبك غصب
لمى : ماطيقه ولا انتشي ريحه ، مااواطنه بعيشة الله ، ماحبه
زياد : انا مادري شسوالك .. بس هذا ماراح يغير شي طبعا
لمى : انت جاي تنكد علي ولا شفيك .. مين مسلطك علي !! قم تقلع مناك
زياد طلع

~ ~ ~ ~ ~

يوم جديد 7:00 ص – لندن
فارس
قام ولقا نفس الرساله من نفس الشخص
هالرساله الي مجننته .. اسئلة كثيرة كانت تدور براسه
مين هذي ؟ معقوله انفال عايشه ؟ وليه انا بالذات ؟ ووش معنا الرساله؟
اسئلة لها اول مالها اخر
بس الشي الي لفت انتباهه اكثر
مب الرساله
جواله قاعد يدق
والي يدق عليه .. انفال !!!!!!!!!!
فتح عيونه بصدمه وعلطول رد بدون تردد
رفع الجوال وسكت
وايضاً الي اتصل عليه كان سااااكت
دامت المكالمه 10 ثواني
بدون رد ولا صوت
وانقطع الخط
قفل وتنهد .. معقوله هذي انفال !!
جا السكرتير : طال عمرك جبت المعلومات الي طلبتها
فارس : اتركها على الطاوله واطلع
السكرتير : ان شاء الله
اخذ المعلومات وقعد يقرا
الاسم : جوري ال...........
العمر : 20
الجنسية وغيره ...................
سكر الملف وما كمل باقي المعلومات وطلع واستعد للخروج

~ ~ ~ ~ ~
عند البنات
تالا : بنات وين تبون نطلع ؟! انا طول الرحلة المرشد السياحي
جمانه : ماتبون نروح ملاهي
جوري : أي والله فكرة .. خل نوسع صدورنا
تالا : اجل يلا قدام
(تالا عندها رخصة سواقه من كثر ما تسافر برا)
ركبو البنات متجهين للملاهي
ايضا بالوقت نفسه كانو فارس وبدر بنفس الملاهي
وش هالصدف
وصلو البنات
جوري : يالله حماااااااااس امشو نركب ذيك الي تتقلب
جمانه : يلا يلا امشي
رنين : لا اخاف ماراح اركب معكم
تالا: عادي ركبتها ما تخوف لذيك الدرجة
جمانه : الا وين سلمى ؟
تالا : ماطلعت معنا .. هي لها عالمها الخاص اهم شي انها تعرف وين الفندق وبس
رنين : انا ماراح اركب .. ابمسك اغراضكم بس
تالا : اوك
~ ~ ~ ~ ~

بدر :ي عيال امشو خل نركب ذي (ويأشر على نفس اللعبه)
راكان : لتس قو
ركبوا
وفارس شاف جوري بنفس اللعبه ركب جنبها
تالا عرفت انه الي ناشبهم قبل : هي قم
فارس : مانيب قايم
جوري التفتت وانتبهت انه نفس الولد الي ناشبها عند الفلافل
فارس لف لم جوري : هاي ام فلافل
جوري انقهرت وش جابه هنا : يا مخايس الصدف
فارس : لهالدرجة ماتبين تبعدين عني لاحقتني بكل مكان
جوري حقرته وما ردت
لعبو وفارس وراهم وبس يرفع ضغط جوري
جوري داخت من كثر اللعب واخذت لها عصير وجلست
اما تالا ورنين وجمانه ما طفشو من اللعب
بدر شاف جوري من بعيد وتذكر انه هذي البنت الي فارس مزعجهم فيها
بدر: شويات بس بروح واجي
راكان وفيصل : خذ راحتك

بدر راح اتجاه جوري
بدر : انتي جوري ؟
جوري : ايه ، مين؟
بدر بإبتسامه : انا بدر ، خوي فارس لو تتذكرين كنت معه
ومد يده علشان يصافحها بس هي انحرجت انها عيب تصافحه
حس هو ووخر يده
جوري ابتسمت : ايه عرفتك .. ياهلا
بدر : اجل وين صديقاتك ؟
جوري : راحو يكملون لعب
بدر : بس ابعتذر عن فارس سبب لكم ازعاج
جوري : ايه والله ذا الجني رافع ضغطي
بدر بمرح : يلا عن اذنك بروح للعيال ..فرصه سعيده شفناك

جو البنات
جمانه : شفيك وجهك متغير
جوري : تعبانه شوي وش رايك نرجع ؟
تالا:اوك يلا


~ ~ ~ ~ ~

الساعة 12:00 بالليل
فارس
اخذ له شور
بعد ماطلع بدل ملابسه وانسدح ع السرير
اخذ له نفس
جته رساله فتحها
كان محتوى الرساله

" Thorpe Park
"I will be there (Anfal)

الترجمة : ثورب بارك .. سأكون هناك
: أنفال :

فارس لبس وطلع متوجه للملاهي
كانت مفتوحه مع ان الدنيا ظلام وليل
دخل وحس بالباب يتسكر
كان ورا لعبة المحاله
دق جواله
الشخص : فارس .. جيت
قلت لك .. تكون معي أجيب لك أنفال
فارس : انت الي ترسل لي الرسايل
الشخص : واللهي مو انا ..ماحالفني الحظ ازعجك
فارس ببتسامة : هه هاردلك .. بتقعد تلعب معي انت تبي ابلغ عنك الشرطة
الشخص ببرود تام وسخريه : لا لا لو بلغت الشرطة ماراح تحقق مبتغاك ..وماراح تجيب انفال ..وبنفس الوقت ماراح يصير الوضع ممتع
نبدأ العرض !!
وولعت انوار المحالة
التفت على المحالة
لقي هيئة انسان راكب بأعلى المقطورة
~ ~ ~ ~ ~


لمى كالعاده
كل ليله تمسك هالميموري وتناظرها
حاسه بالفضول يقتلها .. وين راحت انفال؟؟
دخلت عليها امها بعد ماطقت الباب
لمى : هلا يمه
ام لمى : يابنتي ليه ما كلمتي خطيبك
لمى كشرت من هالسيرة : يمه يمه .. ماحبه ابي افسخ الخطبه ، ابوي مثقف بكل شي ومتفاهم بس هذا الموضوع الوحيد الي قاهرني فيه .. مدري وش عاجبه بهالخايس
ام لمى : انتي اللي مدري وش فيك على الولد
لمى كاتمه صيحتها وبنفسها –ماتدرون وش مسوي هالولد-
ام لمى : والله يابنتي عجزت وانا اقنع ابوك بس راسه يابس
لمى: هي كلمه وحده يمه .. انا مابي اكلمه مو كافي بتزوجه
ام لمى : خلاص يا بنتي سوي الي تبين
وطلعت وضايق صدرها على بنتها

~ ~ ~ ~ ~

رنين
دقت على رقم وطلعت برا تكلم علشان تاخذ راحتها


..
جت لمها جمانه من ورا وماقصدت تسمع
جمانه : بووووووووووو
رنين انفجعت : يمههههههه بسم الله طاح قلبي بسروالي .. الله يقطعك
جمانه : وش تسوين ؟
رنين : ابد والله ولا شي
جمانه : ومين تكلمين ؟
رنين : شفيك قلبتي تحقيق .. امشي بس خل ناكل
جمانه مستغربه شفيها ارتبكت
جلسو رنين وجمانه على الطاوله
مع سلمى
جمانه : بنات ما لاحظتوا ذا الولد الي شفناه بالملاهي ماتلاحظون كأنه خاق على جوري
رنين ردت بسرعه وبتعصيبه خفيفه : لا
استغربو من هالنفي ووش قصدها
جمانه : شكلك حابته ولا يتهيأ لي
رنين عصبت : لا مو كذا
جمانه تبي ترفع ضغطها : خليه لجوري لايقين ع بعض
سلمى : الا وين جوري
رنين بارتباك: قالت انها بتتروش اظن وتجي
كملو عشاهم وناموا

~ ~ ~ ~ ~

صارت تنزل المقطورة من فوق
نزلت وصارت عنده
يعني خلاص بيشوف انفال !!
بيشوف الانسانه الي جننته طول الثلاث سنين

الشخص : يله افتح .. مو انت تبي تشوفها

فارس قرب ببطئ وفتح باب المقطورة
بس الشي الي حصل وغير مجرى الاحداث
شي ماتوقعه ابد
حس انه انصب عليه مويه بارده
فتح عيونه وكأنه يبي يدق بملامحها
همس : تـــــــــالا !