المساعد الشخصي الرقمي

مشاهدة النسخة كاملة : رحلتي الى قبو منزلنا


فارس
05-25-2017, 02:45 AM
وانا انظف باحة البيت



امي : سلااام فينك تعالي يا بنتي

رحت اشوف وش تبي امي مني

انا : امري يمة

امي : ما يامر عليك عدو يا بنتي القبو له زمان ما تنظف وانا مالي قوة ولاحيل انظفه الله يرضى عليكي
اتركي الباحة الحين وانزلي نظفية

انا بارتباك : ييمة بس احنا ما ننزل هناك اصلا وش له تنظيفه

امي : يا بنتي اذا بقى فترة طويلة من غير تنظيف تطلع منه حشرات الله يرضى عليك خذي دلو الموية و الخرقة و نظفيه

انا باستسلام : حاضر يمة


اخذت حاجيات التنظيف واستعديت للنزلة للمكان المخيف المهجور من سنتين

و بسبب وسوستي الزايدة قريت على نفسي ما يسر لي من القران وسميت بالله وفتحت الباب
لتهف عاصفة من الغبار لوجهي

انا : كح كح كح الله يستر من الجاي

مديت رجلي بتردد ونزلت على السلالم حتى من غير لا المس اطرافها

هنا المكان مررةة ظلمة ادور على المفتاح لين لقيته

فتحت النور وانصدمت من الفوضى هنا الله يعيني على تنظيفه

جيت ابي انظف لكن كلما اقرب انظف شي احس شي يشدني ويقوللي لا تنظفي

اتعوذت من الشيطان و مسكت الخرقة انظف الاشياء لكن انتبهت انها ملانة بقع دم

بلعت ريقي ولفيت راسي بس مافيه احد خلفي

جيت ابي اقرء قران لكن فيه شي يمنعني من الكلام ما اقدر اقراء قران

حاولت اقول اي شي ثاني

انا : من انت

هه الحمدلله منيب بكما

اناظر حوليني في كل اطراف الغرفة مافي احد

بديت ارمي الاغراض اشوف اذا فيه احد وراها

رفعت الكرسي القديم الا اشوف قطة تبحلق فيني و عيونها تخوف

انا شهقت احاول اتعوذ من الشيطان بس كنه احد لصقلي فمي

امشي بهدوء للخلف وانا اطالع القطة برعبة وفجاة



لفيت ظهري وركضت لباب احاول افتحه لكن مقفول ادق الباب بقوووة

انا : يمااااااااااااااااا يماااااااااا افتحيلي يماااااااا

لفيت ظهري الا اشوف القطة عند بداية السلالم

القطة بصوت مرعب : لا تتعبي نفسك لن تسمعك مهما صرخت

دموعي تنزل شلالات : ممم من اا انت و ووش ت تبي فيني

القطة : انا حربوز و اريدك ان تاتي معي

انا : ما ابي ما ابي على فين ما بجي لالالالالا

حربوز : هل تريدينني ان اظهر في صورتي الطبيعية حتى تاتي

انا : لالالالا لا ابي ااابي اطلع من هنا بس تكفى يا ححححربوز

حربوز : لم تتركي لي خيار اخر

وفجاة اشوف القطة الصغيرة تتحول لعملاق كبييير مرررة وجهه ملان جروح و معفس
عيونه عين صغيرة صفرا وعين كبيرة طالعة لبرا فمه كبييير واسنانه صغيرة و مدببة
انفه منفوخ وملان فتحات صغيرة يدينة ورجوله ضخمة بشكل اليد الوحدة له كبر جزئي العلوي

بلعت ريقي و دموعي جفت

حربوز : ماذا تقولين الان يا سلام

انا : اا انت مم ن فين تع تعرف اسمي

حربوز : انا اعرف كل شئ والان هلا اتيت معي

انا بكل قوتي : لا لا لاااااااااااااااااااااااااا

حربوز مسك ذراعي بيده الضخمة وسحبني وانا اصرخ

ترك يدي : والان ماذا

انا ابكي حرقلي يدي الحقير : باجي بس قولي على فين بنروح

حربوز : سوف تعلمين عندما نصل للمكان المطلوب

مشيت معاه بهذي الغرفة الصغيرة زاح فرشة قديمة وكان خلفها باب صغير

انا : طيب انا بقدر ادخل هنا بس انت

حربوز فجاة تحول لقطة مرة ثانية وناظر للباب الباب فتح لوحده دخلت انا اول ودخل حربوز وراي

كان ممر كبير مررة جدرانه سودا و شموع على طول الممر

حربوز : هل تريدينني ان اعود كما انا ام ان ابقى على هيئة قط

انا : بتاذيني

حربوز : انا هنا فقط لاخذك للمكان المطلوب

انا : اجل ارجع انت احسن احس شوية امان

حربوز رجع لشكله الطبيعي و كملنا الطريق كنت خايفة طول الطريق واحاول ادعي في قلبي
ان الله يساعدني ويكون معاي لكن بمجرد ما ادعي في قلبي احس حرقة في صدري

حربوز : انسة سلام سوف يزداد الالم ان اكملت ما تفعليه

انا بصدمة : انت كيف تعرف

حربوز : لقد قلت لك من قبل انا اعرف كل شئ

كملت الطريق معاه وانا احاول افكر باشياء ايجابية عشان لا انجن

وصلنا لاخر الطريق وكان فيه فتحة بالجدار دخلت منها لكن تفاجات اني اطلع من بئر

رجعت للداخل لكن المرعب ان الطريق مثل ماهو و مهو مايل كله مستقيم

ناظرت حربوز بعيون مدمعة : وش ذا

حربوز : سيدتي ان عالمنا مختلط جدا لذا من المتوقع ان تدخلي في شئ وتخرجي في شئ اخر انه طبيعي جدا

كملت طريقي وانا مررة مرعوبة واتمنى ان كلشي يخلص ف اسرع وقت

طلعت من البئر لمكان مرعب مررررررررررررررة

http://up.graaam.com/img/1bc922d21abf2a5e275e1b0a5763ade6.jpg

نزلت دموعي وش الخطوة اللي بعد

كان فيه كوخ صغير هناك دخلنا هنا

حربوز : هذا هو المكان سيدتي

انا : طب ليه تناديني سيدتي

حربوز فجاة اختفى ولا كانه كان هنا بديت اناظر الكوخ كان مرة فوضى و ظلمة ماعدا ضو الشموع

فجاة تظهر قدامي مجموعة قطط سودا وانا طبعا ما اقدر اوصف شعوري فذي اللحظة

القط اللي فالنص فجاة تحول لهيئة انسان و كان انسان مررة وسيم
ابيض اشقر عيون زرقا طول و جمال

و القطط الباقية تحولت لاشكال قريبة من شكل حربوز

انا : انساننن انت انسان ؟

: لا انا جنكيز رئيسهم

انا : ك كيف يعني رء رئيسهم ا انت موب انسان

جنكيز : لا

انا : وش تبون مني تكفون اخلصو ابي ارجع للبيت

جنكيز : انتي تدينين لنا

انا تخصرت : لا بعد وش رايك تقولي نسيتي تعطين اجر ذاك عشانك ساحرة

جنكيز عيونه تحولت لحمرا مخيفة : انا جدي جدا الان

عدلت وقفتي وبربكة : ااا ووش تبي مني

جنكيز : نريد ذاك الحجر الاسود

انا : الحجر الاسود ؟

الا رجعت ذاكرتي لسنتين ورا

~~~~~~~~~~~~~~~

كنت اتمشى على البحر الا اشوف حجر اسود يلمع مرررة لفت نظري

خذيته عندي وكل ما يصير ظلمة يضوي في الليل ويطالع مثل شعلة

كنت فاكرة انه حجر معجزة او كذا



انا : و وش تبي فيه

جنكيز : لا اريد اية اسئلة اريد الحجر فحسب

انا : بعطيك هو لكن بشرط

جنكيز قلب لشكل مررررررررررررررررعب غير الباقي : انا لا يملى علي الشروط افعلي ما امرك به فحسب

ابتسمت بسخرية وتذكرت كلام امي

~~~~~~~~~~~~~~
انا : امري يمة

امي : ما يامر عليك عدو يا بنتي...
~~~~~~~~~~~~~~

نزلت دمعتي فينك يا يما فينك

انا : انا بس كنت ابي حربوز هو اللي يرجعني

جنكيز : وهو كذلك حربوز سوف ياخذك و يرجعك وقت الحاجة

انا : وش تقصد وقت الحاجة انا بعطيك الحجر وخلاص صح

جنكيز ضحك : ههههههههههههههه انتي لا تعلمين انك عندما دخلت عالم الجن من المستحيل ان تخرجي نفسك منه

بلعت ريقي : عالم اللل الججن

جنكيز : ماذا كنت تظنيننا ايتها الساذجة

انا بخوف : خلاص اللي تبيه بس ابي اطلع

............