منتديات كيو للشركات العربية

-

قالو و قالو يلفتون انتباهي
.. .. .. انك تماديتي و معهم مواثيق

عوبا و مغروره تغيض وتباهي
.. .. .. وفيها مواقه تدبل الكبد والضيق

و مستعصيه كن الاوامر نواهي
.. .. .. ماتضرب حساب لجميع المخاليق

وهي السواهي اللي تحتها دواهي
.. .. .. زينه وحلوه مير مره على الريق

و تسولف و تختال والشعب فاهي
.. .. .. واكثر حكاها كذب وشوي تشويق

و قالو بعد يا هي و يا هي ويا هي
.. .. .. شيٍ على يمه وشيٍ خثاريق

و انا اتليهى مير مانيب لاهي
.. .. .. شايف وعاجبني ، ولا احتاج توثيق

يامحطمة كل القلوب السواهي
.. .. .. ياكاوية كبد و عروق و معاليق

طيشي على العالم غرور و تباهي
.. .. .. و انا بـ أحبك عن جميع المخاليق