يا ناعس الطرف يا بو قذلةٍ هلّه !!!
عذبتني في غيابك ويش ذا العيشه ؟
وش هالخليل الذي ما يحترم خلّه ؟
ماهوب حقٍ تجازيني ب تطنيشه !
لو كان عينك وسيعه و الخشم سلّه !!
و لو كان دمك خفيف أخفّ من ريشه
ولو كان طبعك دلال و ياحلو دلّه
وان كان كل الحلا في جوٍ تعيشه
و لو كان لك خد ماخذ جونا كلّه
والرمش تلعب بنا غضّت مراهيشه
الصد ماله ترى مذهب و لا ملّه
والوصل ماهو على برّاد ابو شيشه
عطيتك اللغز يا ترف القدم حلّه !!
أمّا صفت موجتك وإلا ب تشويشه