[فارس]

قصة حقيقية من فتاة تقول
انا خلود، عمري 13 لا تحكمون علي من عمري لان الدنيا علمتني وحطت علي مسؤوليات اكبر من عمري بقولكم السالفة من البداية كنت الحمد لله عايشة بسعادة وحولي اهلي ومافيه شي ناقص علي لين جاء شيء وخرب علي كل هالاشياء،،، بالتحديد قبل سنة تقريباً جيت من المدرسة والبيت فاضي(للمعلومية انا اجي مع الباص مو مع ابوي ولا اخوي) المهم لقيت البيت فاضي وين اهلي؟ انادي امي محد يرد ابوي اخواني مافيه اجابة مع ان اخواني ثلاثة فيصل وحمد ونايف واختي مها كلهم بهالوقت دايم يكونون بالبيت؟ المهم خفت شوي ورحت غرفتي ودقيت على امي وابوي ونايف وحمد جوالاتهم مغلقة وفيصل ومها مشغول المهم اني هنا بديت ابكي لاني مررة خوافة فقررت اني ادق على اقرب وحدة لي غير اللي ذكرتهم قبل شوي فدقيت على خالتي هيفاء ردت علي وجلست اقول لها السالفة بسرعة وانا ابكي قالت لي لا عادي ما عليك اكيد طالعين مكان وما عرفوا انك راح تجين بدري، صحيح ردها هداني شوي بس لا زلت خايفة وقلت لها طيب تعالي لي البيت ما احب اجلس لحالي قالت ليش انتي خوافة يا خلود؟ اصبري شوي الحين ما امداني اوصل بيتكم الا هم واصلين قبلي المهم حاولت الهي نفسي شوي فجلست اتابع فلم ساعة وما جوا !! ما استوعبت انهم ما جوا الا لما خلص الفلم فجأءة بديت ابكي رحت دقيت على خالتي الثانية بدرية علطول قالت انا جايتك بالطريق هنا حسيت اني بيغمى علي لاني عرفت ان اهلي فيهم شي اول ما وصلت..
خالتي ودخلت غرفتي اغمى علي صحيت بالمستشفى لقيت خالتي هيفاء وخالتي بدرية جمبي سالتهم اهلي شفيهم قالوا صار لهم حادث بسيط بس انتي خوافة ما فيهم الا جروح بسيطة انا هنا صدقتهم بس للاسف طلعوا يكذبون لان امي وحمد وفيصل توفوا بحادث وابوي بالعناية المركزة نايف انكسر احد ضلوعة بس ما مات ومها بغيبوبة اكتشفت هالشي بنفسي لما راحوا خالاتي يتطمنون على نايف(بدون ما ادري) اخذت جوال خالتي وقريت الخبر جلست ابكي بكاء هستيري وجوا خالاتي وجلسوا يهدوني وياليت السالفة انتهت هنا لاني نمت وصحيت على صوت خالتي هيفاء قالت خلود حبيبتي انتي كبرتي وما نقدر نخبي عليك قلت شصاير بعد فيه اكثر من الاخبار اللي سمعتها؟ قالت خلود امك وابوك الحقيقين متوفين من زمان ابوك توفى بحادث وعمرك تقريباً شهرين وامك توفت بعد ولادتك بتقريباً اسبوع وجدك وجدتك اللي الحين تسمينهم امي وابوي هم اللي ربوك وقرروا يكونون لك الام والابو وقالوا لك ان جدك وجدتك هم اللي ماتوا انصدمت اكبر صدمة بحياتي اكثر من صدمة يوم عرفت انهم توفوا معقولة اللي ربوني كل هالسنين جدي وجدتي؟ طيب اخواني هم اخواني صدق ولا خوالي؟؟ قالت ببكية "لا" هذولا خوالك اخواني انا وخالتك بدرية ما تحملت الموقف حسيت الدنيا انقلبت علي بيوم واحد كل شي صار ضدي حتى خالاتي حقدت عليهم صابتني نفسية صحيح ان مها ونايف و(ابوي-جدي) للحين احياء بس ما احسهم زي قبل احسهم صاروا رسميين اكثر يوم عرفت الحقيقة ولولا هالحادث كان ما عرفت امي وابوي الحقيقين