فال الله ولافالك

[فارس]

السلام عليكم ورحمة الله وبركاته:
من ديوان الشاعر / طـلال الرشــيد..[رحمه الله]
[..فال الله ولافالك..]
**
أهلا.. ياوفا الإحساس
غير"أهلا" لكل الناس
غيرك.. يادفا الأنفاس
لايطري على بالك
فال الله ولا فالك
::
محتاجك كثر خوفي
محتاجك مثل شوفي
شوف اش قدرك بجوفي
وقول مثلي لعذالك
فال الله ولا فالك
::
الآه.. احرقت قلبي
وانا ادور لحــبـــــي
كلمة.. توصفك جنبي
وإنت آهاتي تحلالك
فال الله ولا فالك
::
يامقساك ياغايب
دمعة.. في جفن شايب
ذنب.. يعذب التايب
وتبغى بضعفي ألجالك
فال الله ولا فالك
::
مابين الوفا للجرح
وعناد الدوا.. والفرح
ضاع العمر.. جد ومزح
وإنت تفكر بحالك
فال الله ولا فالك
::
يا أقرب من عيوني
وأبعد لي من ظنوني
وأرق من دمعه جفوني
وأقسى من الجفا.. الهالك
فال الله ولا فالك
::
وإنت ظنونك تودي
وتتعدى على حدي
وأنا واحد.. على قدي !
وكان الظلم يرضالك
فال الله ولا فالك
::
مو عيب اني أتعلم
من جرحي.. ولا اتالم
العيب إني أتظلم
منك وأرجع الجالك
فال الله ولا فالك
::
فال الله ولا فالك
يامصدق بي عذالك
وأنا أموت واحيا لك
بس ترضى.. وأنا فدالك
فال الله ولا فالك