رواية عشاق يجتمعون في بيت واحد

[امينة خالد]

الحــــــــــــــــب
كأحلام على ارض خرافية يلهينا عن الحاضر يشدنا ويجذبنا فيعجبنا جبروته بالحب نحيا فهو الروح للجسد فلا حياة بدونه وهو الأمل الذي يسكن أنفاسنا ويخاطب أفكارنا ليحقق آمالنا هو سفينة بلا شراع تسير بنا إلى شاطئ الأمـان،سماء صافيه وبحراً هادئ وبسمة حانية، يزلزل الروح والكيان ويفجر ثورة البركان

الحــــــــــــــــب
أسطـورة تعجـز البشريـة عـن إدراكهــاإلا لمن صــدق في نطقهــا ومعناهـــا الحب يقراء والحب يسمــع والحب يخاطبنــا ونخاطبــه ويسعدنــا ونسعــده وهو عطـراً وهمساً نشعـر بسعادتـه إذا صدقنـاه في أقوالنـاوأفعالنــا بالحب تصبح الحياة جميلة لكي نحقق أهدافــاً قـد رسمناهــا ولكن ما يقلق العاشقين فقط هـــو احتمال أن تكـون الأقـدار تخبئ لهـم فراقـاً لم يكن في حسبــان




الشخصيـات
يتكونون من أربع عائلات وجميعهم يسكنون مع الجد والجده في فله كبيييره جداً وغرفها كثيير والخدم يملئون بيتهم طبعا الجد كان يريد ان يسكنون أبنائه وأحفاده في بيته لأنه كبير ويكفيهم بزيااده
الجد مسعود /يشتغل بشركة كبيره وحنوون للغايه ويحب أحفااده بشكل كبيير وداائماا يتمناا يسعدهم ولا يزعلهم بسس اذا قال كلممه تتنفذ من دوون أي نقاااش
الجدة نورية/طيببه وداايم رايها من رااي زوجها يعني اي شي يقوله الجد هي معه ودايم تتناقر مع الشباب والبنات اذا لبسوو لبس ماعجبها او سوو شي ماعجبهاا.
عائلة أبو فيصل
ابو فيصل عبدالله/ طييب وحنون واجتمااعي ويشتغل بالشركه مع ابوه
ام فيصل فاطمه/ طييبه مرره وحبووبة وكل همهاا ان فيصل ومرام يكونو سعداء
فيصل/عمره 23 يدرس بالجاامعة.هو حلم ملاايين البنات من وسامته معضل وبشرته برونزي مرح وضحوك ويحب يلعب باعصاب الوااحد بس انه شوي عصبي ومغاازلجي والبناات مايصدقن خبر إذا جاء يرقمهم
مرام/ أخت فيصل الوحيده عمرها18 مرحه زي أخوها وحلوه مرره اخذه من ملامح اخوها شعرها بني للغامق ويصل لنص ظهرها ومرجوجه هي وبنات عمهاا
---------------
عائلة أبو خـالـد
ابو خالد عبدالرحمن/طيب وحبوب ومدلعع بنته ليننا لااخر شي واللي يائذيهاا ياويلوه ياسواد ليلوه ويشتغل بشركة ابوه
ام خالد نوره/ كل همها سعادة ولدها الوحيد وبنتهاا الوحيده وطييبه مررره
خـالد/عمره23 بالجامعة مع ولد عمه فيصل وسييم بس مو مثل وسامة فيصل معضل ومررح ومغازلجي هو وولد عمه فيصل
لينا /عمرها18 تدرس بثالثه ثانوي زي مراام هالبنت عندهاا جمماااال وحلاااوه تذوووب بيضاا وشعرهاا طويل لونه بني فااتح طولها وسط هي دلووعه مرره وبنفس الوقت مرجوجه وعنييده مرررا
-------------
عائلة أبو تركي
ابو تركي عبدالعزيز/ يشتغل مع ابوه واخوانه بالشركه وطيووب مرره بس اذا عصب عصب
ام تركي ساره/ طييبه وانيقه وهااديه واللي يشوفها يقول صغيره
تركي/عمره24 طيووب وحببووب ووسيم طوويل ونحيف ومثقف شوي ونصووح وماهو من الشباب اللي يلبسون جينزات ويرقمون مثل فيصل وخالد داايم يلبس ثووب وعشاان كذا الجده تحب اكثثر وااحد من احفادها تركي
سعود/ الأبن الثااني لاابو تركي عمره 22بالجامعه رومنسي وطييب وحبوب ووسيم يحب بنت عمه لمـار وهي نفس الشي
عبير/ اختهم الوحيده عمرها19 بالجامعه هااديه ورومنسيه وطيووبه بس اذا اجتمعت مع بنات عمها تصير مرجوجه مثلهم
-----------
عائلة أبو نواف
أبو نواف عبدالحكيم/يشتغل مع ابوه واخوانه بالشركه وحبووب ويكرره الظلم وماايسككت ع الغلط ابداً
ام نواف سميه/ طيبه مررا وعلـﯽ نيااتهاا وحنوونه حيييل
نواف/ عمره 23بالجامعه طيوب وحبوب طويل وجسمه لااهو نحيف ولا هو متين يعني وسط اجتممااعي ويحب يجلس مع جدته ويسولف معهاا وداايم يروح مع عياال عمه للبحر اذا طفشوو
داليـا/ عمرها19مثل عبير طيببه وحلوه بيضاا وشعرها يصل لنص ظهرها ولونه بندقي وهي طويله وطولهاا معطيها انااقه اكثثر غير عن بنات عمهاا الباقيات اللي لاهن طويلات ولا قصيرات وسسط
لمار/ عمرهاا18تدرس بثالثه ثانوي مع لينا ومرام بنفس المدرسه طبعاا يدرسون بمدرسه اهليه المهم هي بيضاا وطولها وسط طيبه وحبوبه ومرجوجه وهي تحب ولد عمها سعود
----------------

البــارت الـأول
في بيت الجد مسعود السـاعه9المساء
في صالة الطعام عند البنات
كانو يتعشوون
الجده وام فيصل وام خالد وام تركي وام نواف
ولينا ومرام ولمار وعبير وداليا كانو جالسين ع الطاوله وياأكلون بهدوؤء
قطع هالهدؤء لينا
لينا وهي تلعب بالملعقه : أقول جدتي
الجده بهدؤء : هلا
لينا :جده ليش طلبتي عشاء رز ودجاج مو لو طلبتي شاورمات مو كاان أحسسن :(
الجده بجديه :ايهه عشاان القاك جالسه بغرفتك تاكلين وتشتغلين ع الابتوب والأجهزة ذي اللي ماشفت من وراهاا خيير
لينا بتأفف:اؤف يعني كل ماجبناالكم سيره قلتو عشان الاب توب والأجهززه
مرام: ايهه واذا مرضنا ولا صارت فينا زكمه قلتو عشان الأجهزه
لمار : وحتـﯽ إذا لقيتونا نياام الظهر قلتو سهرانات ع الابتوب والأجهزه تراا ماصاارت كل ماسوينا شي او صارلنا شي قلتو كله من الابتوب والأجهزه
ام نواف اللي انصدمت من جرائتهن:اوص انتي واياها اووص
الجده تمثل انها معصبه عشان تخوفهن : اوص انتي واياها ياقليلات الأدب تعللن صوتكن ع جدتكن هاه اقسم بالله لو مامسكتن السانكن انتي واياها لااقصه لكن فاهمااااااااات
لينا بخوف:هاه اي اي فاهماات حنا اسفيين ياجده وقعدت تطقطق بالملعقه يعننها تاأكل
مرام بنفس الخوف:حناا اسفيين ياجده وحقك علينا ورجعت تسوي نفس حركة لينا
لمار طبعا من الخوف سكتت ورجعت تاكل ببرود لانهاا عارفه لو تكلمت زادت الطين بله
اماا عبير وداليـا كاتمات ضحكتهن لانهن عارفات لو ضحكن بتقوم عليهن الجده مره ثاانيه

بنفس الوقت ع العشاء عند الشباب والشياب

كاانو يتكلمو ع الشركه واللي يشتغلون بالشركه وطبعا الشباب طفشو من هالسوالف
الجد لااحظ ع الشباب اللي سااكتين وبااين عليهم الطفش : وشفيكم ياعيال ماتشاركوننا السوالف
فيصل :الله يهدااك ياجدي اي سوالف كل سوالفكم ع الشركه
الجد :اجل وش تبيناا نسولف فيه وانا جدك اذا عندك انت سالفه قولها
خالد مااصدق علـﯽ الله ان الجد عطاهم فرصه يتكلمون و ع طول سبق فيصل بالكلام: ايه ايه ياجدي انا بصراحه بقولك سالفه
الجد بحنيه: قوول ياوليدي
خالد : انا اقوول ياجدي وش راايك نروح للمزرعه منهاا نستاانس هنااك ونغير جو شوي
فيصل : اي والله جدي من زمااان ماتسبحت تكفـﯽ واافق
الجد :والله انهاا فكرتن ممتازه ولا شرااايكم انتوو<<يأشر ع الشياب
ابو فيصل : والله رايي من رايك يايبه
ابو خالد : اللي تشووفه يايبه
ابو نواف : اللي تشوفونه
الجد وانت ياسعود انت وتركي ونوااف وش رايكم?
سعود :موااافقين
نوااف :علـﯽ كيفكم والله
تركي : اي والله نبي نروح مشتاقين للمزرعه
الجد : ايهه زيين وانت يابو تركي وش رايك
ابو تركي : والله انا موافق دام انكم تبون بس خلونا نشوف امي والبنات
تركي : اكييد انهم بيوافقون مايحتااج
سعود : اي والله حرييم اكيد يحبن الطلعات
الجد : اجل يالله تجهزوو وقولو لحريمكم وخواتكم يتجهزون لان يمكن نقعد اسبوع هناك

وراحو الشباب كل واحد اتصل علـﯽ اخته وقالو لهم يتجهزون لانهم بيروحون للمزرعه اسبوع وطبعاا البنات ماصدقوو خببر وكل وحده راحت لغرفتها تجهز حاجاتهاا

بغرفة لينا
لينا وهي عافسه دولابهاا : اؤف يارببي انااا متاكدده اني حاطه الأيبود حققي هنااا وين راااح يععني?? انا لااازم اروووح للبنااات اسئلهن
طلععت من الغرفه وهي مععصبه وع طول اتجهت لغرفة مرام و
سئلتها وبعدها راحت غرفة عبير وسئلتها وراحت غرفة داليا وسئلتها وراحت غرفة لمار وسئلتها طلعت من غرفة لمار وهي معصبه :اؤفف يارربي وش ذا حتـﯽ البناات مااخذن الايبود حققي يعنني من اخذه نزلت تحت وهي تصارخ :يممممماااه يمممماااه
ام خالد اللي كانت جالسه تتقهوا مع الجده والجد والامهات : وصممه وش فيييك تصارخين
ليناا : يممه شفتتي الأيبود حقي?
الجده ع طول تتدخلت: الحيين كل هالنواااح والصرااخ عشان الأيبود
ليناا : ياجده انتي مانتي فاهمتني اقوولك ايبودي ضااع تعرفين شنو يعني ضاع
الجده بعصبيه : واذا يععني ضاااع وقفت الدنياا يالله يالله اشووف طلعي فوق وجهزي عفشك وخرابيطك لان مستعجلين وبنمشي
ليناا وهي طالعه وبصوت عاالي :اؤؤؤف مننننكم
الجده بشهقه : هئئئ شوفو قليلة الحياا اللي ماترببت
الجد : وشفييك عليها يانوريه خليها ع راحتها
الجده سكتت
ام خالد:الله يهديهن بس هالأيام صايرات البنات مرره نفوسهم ماهي طاايقه
ام نواف : يمكن عشان المدرسه مابقي عليها شي وتبتدي وهن كارهات المدرسه كره
ام فيصل: يمكن والله
الجد : لاتكبرون القصه وقولو الله يهديهم
الجميع بصوت خفيف : الله يهديهم

عند ليناا بالغرفه كانت تفكر وتكلم نفسها :ياربي يعني وين بيكون الأيبود وين? المشكله ماقدر اروح مكاان من دونه
جلسست. تفككر وين تدوره
وفجئئئئه : لقييتهاا بغرفة الشبااب دام انهم مو موجودين ليش مادور بغرفهم اي والله خن ادور

اول غرفة راحت له غرفت خالد وجلست تدور في الدولاب وفي الدروج وتحت مخدته وع سريره ولاااااكن لاجدوا
طلعت من غرفة خالد وهي منقههره ووقفت عند غرفة فيصل :ادور بغرفته ولا لأ بس وش جاب ايبودي بغرفته ولا اقول ليش مادور يمكن الخدامه حطته بغرفته وتحسب انه حقه
فتحت الباااب ورجععت صكته عشان ماحد يشوفها
لمما تقدممت خطووه انصدممت انوو فييصل كاان وااقف ع التسريحه ويتعطر
فيصل كان يحسبه الخداامه انهاا جابتله الكوفي
وبصوته الخشن : ميري حطي الكوفي ع الكوميدينه وطلععي
لينا صننمت وماهي عارفه شتسوي :-----
فيصل رفع صوته :ميرررري سمععتي انا شقلتلـ....
صنننننم مكااانه لمما شاف بنت زي الملاااك قداامه
فيصل حب يستهبل : اللهم سكنهم مساكنهم انتي من وين طلعتيلي وانتي ميين اصلا?
لينا ناظرت فيه نظرات تعصيب:اقوول ماني فايقتلك وقوولي ماشفت ايبوودي اللي لونه وردي
فيصل : هيييه انتي ياهووه وش تحسين فيه داخله تدورين ايبودك سلاااامااات وييين عايشين حنناا? انتتي مستوعبه انك قاعده تفتشين بغرفة ولد عممك?
لينا حسست علـﯽ نفسهاا وع طوول ركضضت بتطلعع من الغرفه إلاا يمسكهاا فيصل من يدها
ليناا : هيه انت فكك إيدي
فيصل : طب لحظه قلتليلي تبين ايبودك?
ليناا بفرح :اييهه ابييه
فيصل :روحي افتحي الدرج الاول من تسريحتي
ليناا علـﯽ طول تقدمت بخطوات سريعه وفتحت الدررج والصدمه ان ايبودها كاان دااخل هالدرج
لينا بصدمه وهي تااخذ ايبودها :ايبوودي وش جابه عنددك
فيصل بابتساامه جانبيه : أسئلي نفسسك
لينا بجديه : هيه اناا قاعده اكلممك من جد ايبودي وش جاابه عندك?

انتهئئ البـــــــارت
توقعاااتكم في البـــارت الجاااي
ايبود ليننا وش جابه عند فيصل?
في المزرعه هل راح يصير احدااث ومواقف او لأ?



ادري الباارت قصير بس اذا شفت تفااعل اكييد بكمله وبطوله