دنيتي تحلى بوجودك

[امينة خالد]

دنيتي تحلى بوجودك

بسم الله
تعريف بالشخصيات:
فاطمة-الجدة عمرها 68 سنة, حبوبه مرررررة و تحب أحفادها كثير وهم يموتوا فيها و هي عايشه مع ولدها الكبير.
سلمان (أبو محمد) أكبر أولاد فاطمة, عمره 52 سنة, متزوج من بنت خالته لبنى و عندهم ثلاث أولاد و بنت وحده.
أولهم محمد اللي عمره 27 سنة. يشتغل مع أبوه في شركتهم. عصبي و ما يحب المزح, متزوج بنت عمه سارة و عندهم بنت عمرها سنتين و نص اسمها لنا.
فهد- عمره 23 سنة, شخصيته مرررررة غامضة و مزاجي لأخر درجة. طويل و وسيم جدا جسمه رياضي و يدرس في بريطانيا إدارة الأعمال. يحب أخته كثير و ما يخبي عليها أي شي و خاطب بنت عمته.
سمر- 22 سنة, تدرس في جامعة سلطان قابوس, كلية آداب اللغة الانجليزية. طويلة و نحيفة بس حلوة, قريبة جدا من فهد و تعرف جميع أسراره.
سامي-18 سنة, أخر عنقود و دلوع أمه و أبوه, طلباته أوامر. وسيم لكن ما أحلى من فهد بس مغرور و شايف نفسه.

يوسف- عمره 49 سنة, يشتغل مع أخوه أبو محمد. متزوج وحدة اسمها مها وعندهم بنتين و ولدين.
سارة- 26 سنة, حبوبه كثير و تموت في الأطفال و خاصة بنتها لنا,متزوجة ولد عمها محمد.
تركي- 24 سنة, متخرج من جامعة سلطان قابوس كلية التجارة إدارة الأعمال و يشتغل مع أبوه و عمه, صديق فهد روح بالروح و يحب سمر بس هي ما تدري عنه.
علي- 22 سنة, ما دخل جامعة لكن أخذ دورات في نظم المعلومات بس ما يشتغل. صايع آخر درجة بس ما يرضى على بنات العائلة.
نور- 19 سنة, رسامة و دخلت كلية فنون التشكيلية في جامعة سلطان قابوس. تشبه سارة كثيييير بس أحلى منها, تموت في بنت عمتها ندى و هم صديقات روح بالروح.

زينب- 46 سنة, طيبة مرررررة, تحب أولادها و زوجها كثير. كل اللي تتمناه انه تشوف أولادها و بناتها مستقرين و عايشين حية سعيدة. زوجها اسمه عمر. بالرغم أنه غني كثير و عنده مكانة في المجتمع بس جدا متواضع, عنده عدة شركات يديرها هو مع أولاده. عندهم و لدين و ثلاث بنات.
عادل- 27 سنة, يشتغل مع أبوه. وسيم جدا عيونه عسلية و جسمه رياضي بس هادي جدا و ما يحب يختلط مع ناس. يحب أخواته كثير و ما يرد لهم أي طلب. غير متزوج.
عمران-25 سنة, يشتغل مع أبو ه, متزوج من برع العائلة زوجته اسمها حنان و عندهم ولد عمره سنتين و اسمه عمر.
أزهار-21 سنة, تدرس في جامعة سلطان قابوس, سنة ثالثة إدارة الأعمال. هبله لآخر درجة, خرقاء هههههههههه, تحب تغني بما أن صوتها أبدا ما حلو, تحب ترقص بس عشان تضحك الناس حوالينها, هي بنت الوحيدة اللي سمينة في العائلة, ما تشل في خاطرها أبدا, هي طويلة بس سمنها مخرب عليها, لكن هي ما تهتم, و هي خطيبة فهد.
ندى-19 سنة, تدرس في كلية العلمية للتصميم, تعتبر أحلى بنت في العائلة, طويلة و رشيقة, عيونها عسلية, و مشيتها الطبيعية مثل العارضات و ما تقصد, هي و نور صديقات و أبدا ما يفترقوا.
شهد- 15 سنة, أول ثانوي و شاطرة مرررررة, دلوعة أبوها و عادل و عشان كذا مغرورة شوي.
ليلى-عمرها 43 سنة أصغر وحدة, طيبة مثل أختها. جميلة و محافظة على رشاقتها مطلقة و عندها ولدين و بنتين
ماريه-24 سنة, مدرسة و تحب تدريس. تحب ولد خالتها عادل و تموت فيه بس هو ما يدري عنها.
مازن-22 سنة, يدرس في كلية التقنية. طويل و حلو و ملح الحياة هههههههههه هو و أزهار يشكلوا ثنائي خطير مرررررة. يحترم عادل كثير كلما واجهته مشكلة لازم ياخذ شور عادل.
ماهر-22 سنة, توأم مازن و يدرس معاه في كلية التقنية بس عكس شخصيته تماما, هادي و انطوائي و أغلب الأوقات مع أبوه.
منار-15 سنة, أول ثانوي و مع شهد دايما, يتشابهوا كثير و كل من يشوفهم يحسبهم توأم. مع بعض هم يشكلوا دلوعات العائلة.

الجزء الأول
دخلت الإستراحة و هي تصرخ: SURPRISE!!!!!! قامو البنات اللي كانو موجودين في الإستراحة و هم يصرخوا: آآآآآآآآههههه زوز يالدبه
أزهار و هي تضحك و تحضنهم: اشتقتلكم مووووووت!
منى: والله و نحن بعد
لميس: و هي رافعة حاجب ها ايش تسوي عندنا العروس؟؟
أزهار بابتسامة خجل: والله ما كنت أريد أجي بس لازم عشان أقدم أوراق تأجيل دراسة للفصل الجاي
منى بحزن: الحين صح أنت بتسافري بعد العرس
أزهار تحرك رأسها بالإيجاب: لستة أشهر عشان فهد يخلص دراسته
منى: انزين ليش مستعجلين، يكون أحسن لو هو يخلص الدراسة و بعدين يتم الزواج
أزهار: والله ما أدري حتى أنا أريد كذا بس أمي تقول أنه خالي مو راضي
لميس: خالك و لا حبيب القلب مو راضي مسكين ما قادر يستحمل بعدك
أزهار إحمروا خدودها و ما ردت
لميس: يا عيني على اللي يستحون
منى و لميس: ههههههه
أزهار: ماني فاضية حال سوالفكم البايخة بروح الكافتيريا تريدوا شي
مني: يلا بجي معاك
أزهار: يلا
لميس ضحكت: أيوا صرفي صرفي!! ما عبروها مشوا و هم يبتسموا، راحوا الكافتيريا
أزهار للبائعة: give me one bag of maltezers and a pepsi plz عطتها البائعة و راحت تجلس عند منى
منى: هيي هيي هيي، إيش مشترية؟
أزهار مستغربة: ايش تشوفي يعني؟؟؟؟
منى: ايش صار للرجيم؟؟
أزهار: هههههه خوفتيني يالغبية، ولا شي أن ما ينفع معاي الرجيم
منى: بس زوز أنتي ما تريدي تضعفي قبل العرس؟
أزهار: أ صلا ما بقى للعرس إلا أسبوعين و صراحة أنا ما أهتم و بعدين هو يعرف أني ما رشيقة و خطبني يعني ما يمانع!
منى تبتسم بخبث و ترفع حواجبها
أزهار: أيش فيك؟ ليش هالابتسامة الغبية اللي واصلة من أذن لأذن؟؟
منى بنفس الابتسامة: يعني يحبك؟؟؟
أزهار تنهدت و سرحت شوي
منى تمرر يدها قدلم وجهها : هيي وين روحتي ؟
أزهار تتنهد مرة ثانية و بحزن: والله يا منى ما أعرف ، أحس أنه مغصوب علي و إلا إيش يخلي واحد حلو مثله يتزوج وحدة مثلي
منى: وإنتي ايش ناقصك يا حبيبتي و لا شي اذا هو حلو فأنتي اكيد أحلى منه
أزهار تضحك: أنتي تقولي كذا لأني صديقتك و بس
منى: لا والله أنتي حلوة كثير بس لو تضعفي شوي
أزهار تضحك و تاكل 3 حبات مالتيزرس مرة وحدة: هذي الشي مستحيل
هي و منى: ههههههههه
و يرن تلفونها توقف: يللا منو حبيبتي بروح ألحين عدول وصل! منى توقف معاها و تحضنها
منى : باي بشوفك يالعروس
أزهار: باي و لا تنسين أنتي و لميس تجون الحناء
منى تحرك رأسها بالإيجاب و تودعها .
تطلع من الكافتيريا و ترح الباركنغ تركب السيارة: سلام
عادل: ها خلصتي؟؟
أزهار تحرك رأسها بالإيجاب: عدول أنت مشغول ؟
عادل : لا, ليش؟
أزهار: أريد باسكن ههههه
عادل يبتسم: so basken it is then و يحرك السيارة
في فلة أبو محمد
أبو محمد و هو خلاص واصل حده : الزواج راح يصير يعني يصير و أنت ما تستحي خاطبنها من ستة شهور و ألحين لما ما بقى على العرس اللا اسبوعين تقول أنك نا تبيها
فهد معصب : يبه أنتو خطبتوها لي, أنا كنت رافض من البداية و حتى ما سألتوني و خطبتوها لي!
أبو محمد: و ترد بعد يا فهد ! خلاص ما اريد أسمع أي شي في هالسالفة . سكت شوي وقف و كمل: مثل م تمت الخطبة, العرس بعد بيتم !! و طلع من غرفة فهد و صفق الباب وراه
فهد رمى حاله على السرير : آخخخخخخخخخخخ! شوي و أجن خلاص
سمع دق خفيف على الباب : أيوا سمر دخلي
دخلت سمر و هي مبتسمة أول ما شافها على طول ابتسم
جلست جنبه سمر: ها ايش أحوال المعرس !
فهد عصب و حزن في نفس الوقت: حتى أنت يا سمر؟
سمر و هي تحط يدها على كتفه: أفا يا فهود ليش كل هذا!! ترى أزهار بنت ما ناقصها شي ، طيبة و حبوبة و حلوة!!
ضحك فهد : قولي بلوى !!
ضربته سمر على كتفه على خفيف: هيي حرام عليك ترى أزهار غالية علي و ما أرضى عليها !! ابتسم فهد بس ما رد و قفت سمر و سحبته من يده
فهد و هو ورى سمر : على وين ؟؟
سمر ابتسمت بس ما ردت
فهد و هو يضحك: الله يعين . دخلت غرفتها و هي بعدها تسحبه و جلسته على سريرها . راحت عند دولابها و فتحته و طلعت ألبوم صور قديم و راحت جلست جنبه .
فهد و هو مرفع حاجب : ألحين سحبتيني غرفتك عشان توريني صور قديمة؟؟
سمر: أيوا و أريدك تدور أي وحدة منهم أزهار
فهد قام : ماني فاضي
سمر سحبته و جلسته مرة ثانية: يلا عشاني
فهد: طيب و أخذ الألبوم و جلس يصفح بالملل بعد شوي بدأ يبتسم، الألبوم كان مليان من صورهم و هم صغار
شاف صورة واحد ملطخ بالطين و حالته حاله جلس يضحك و هو يتذكر: هذا تركي ؟
سمر ابتسمت و حركت راسها بالايجاب
فهد : تتذكري لما رميناه في الطين و قمنا نضربه بالبالونات الماي
ضحكت سمر و كملت: و أزهار ما قصرت راحت تتسبح في الطين و هي تغني أغنية هندية (sajna hai muje sajna ke leye) (يعني أريد أتكشخ عشان يشوفني حبيبي)
فهد و سمر: ههههههههه
فهد قلب الصفحة و كانت صورة طفلة شقرا حلووووووووه مرررره و خدودها حمر: أكيد هذي ندى
سمر تحرك راسها بالنفي
فهد : نور ؟
سمر بالنفي
فهد: سارة ؟
سمر بالنفي
فهد: آه عرفت ماريه
سمر تبتسم بس بعدها تحرك راسها بالنفي
فهد و هو مستغرب: شهد و منار ما كانوا كذي أنا أتذكر أشكالهم سكت شوي و بعدين فتح عيونه للآخر: أزهار!!!!!
سمر : ههههههههههه أيوا قلت لك البنت حلوه تقول لا بلوى ههههههه
فهد بعده على نفس الحالة: كأنه ما مستوعب: بس هي تغيرت كثير
سمر : لا أبدت ما تغيرت بس
قاطعها فهد: انتفخت أكثر هههههههه
سمر بحزم : حتى و لو هي متينة بس و الله حلوه لازم تشكر ربك لأن أطفالكم راح يطلعوا جنان مرررة
فهد عصب: أي أطفال و أي خرابيط أصلا أنا راح أطلقها على طول
سمر في صدمة : ايييييش؟؟
فهد: مثل ما سمعتي ، أنا بس أتزوجها عشان يرضى أبوي . قام و طلع من الغرفة و سمر جالسة تفكر في كلامه: معقولة فهد راح يسوي كذي مع أزهار !!!