حيل الله اقوى كل منتي طريتي

[فارس]

مـاشتـقـت لـكـن مـثـل مـا هم يقولون
حيـل الله اقــوى كـل منـتـي طـريتي

و كــلــش نـسيـتـه ما عدا فـ التلافون
لا جيت بـبــدع لك شـعـر و استحيتي

شــعــرٍ مـكـســر مـالــه اذان و عـيـون
ولا نـيـب لا شــاعــر ولا انتـي دريتي

واقول : وش رايك تقولين : مجنوون
بسكن قصـيدك و احـلى الابيات بيتي

وغبتي ولا ادري في غيابك انا شلون
ما طـاح دمـعٍ مــاسكه .. لين جيتي

لا تــشـرهــيـن الـدمـــع للـي يحسـون
و العـالــم الله يا مـره .. ما هــويـتـي

قولي مثل ما قـالـت الناس : مشطون
لـو كــان فيـك اللي بصــدري ، بكيتي

جيـتـي .. و لـكـن جيتـك مـا لها لـون
وجهك على حـاله و لكـن .. قـسـيتي

وجهك قصيـده من قصايد لـ بن عون
لكن شعــورك مـن : دعـيـج الـكـويتي

بـقــول بيـت و لا تـقـوليـن مـجــنـون
و مــا اظـن يعجبـك و تقــوليـن بيتي

ان كنت قاسي فـ انتي احباب يقسون
وحـده بـ وحـده و انـتـم اللي بـديتي

ليت الكسر فالشعر ماهوب فالخاطر .. .. ..
وليت الغزل باللقـاء ما هـو بالابياتي