تحدي المستحيل

[فارس]

بما أني ما شفت أي تفاعل في الموضوع فراح أبدأ أنا وأقول لكم قصتي أنا غادة أو زي ما أحب الكل يزهمني غدو عمري 22 سنة انولدت ونظري ضعيف وطبعا السبب وراثي في بداية حياتي الدراسية ما أثر عليا الموضوع كنت في مدرسة أهلية ولأني كنت أقعد قدام السبورة كان الوضع تمام واسنمر وضعي كدا إلى رابع لبست نظارة سنة ولما ما شفت أي فرق سبتها كان يضايقني سؤوال البنات ليا دائما عن لون عيوني لدرجة أني صرت ألبس عدسات لما صرت في سادس ابتدائي الترم التاني بدأت معاناتي الحقيقية لأني صرت أضطر أوقف قدام السبورة وهادا سبب لي مشاكل مع البنات بحكم أني طويلة فأغطي على القصار اللي قاعدين ورايا وقتها بديت فعلا أحس بحجم المشكلة في داك الوقت وفي نفس الترم صار لي موقف كان بالنسبة ليا نقطة تحول كان بالنسبة ليا مصيري أكون أو لا أكون رد فعلي هوا اللي حدد مستقبلي ورسم خطوط حياتي بعدين الموقف اللي صار لي صار لي مع وحدة من الأستاذات اللي قالت لي بكل صراحة أنها ما تتوقع أني أكمل دراسة وراح أوقف عند المتوسط طبعا في البداية كلامها ضايقني قهرني حيل لكن اللي صار بعدين أني قررت أن أثبت لها أني قد التحدي وكاتت نقطة التحول في حياتي كملت دراستي وتخرجت من الثانوي بمعدل ممتاز ودخلت جامعة الملك سعود وأنا الأن في ثالث سنة جامعة تخصصي تربية خاصة مسار صعوبات تعلم طموحي أخد دكتوراة وأصير أدرس في نفس الجامعة اللي أحبها ودرست فيها