وأنا فتنه وانا رقه وعلى مثلك ماني مجبور

[فارس]

عشقنا والعشق بوله وآثار العشق له دستور
ونار العشق ماتطفي ترا نيرانها حيه

بطلها اول المشوار طيش وشهرة ن وغرور
نحسب الناس مثل الناس وأثر الناس جنيه

يحب ولا يحب وخاطرة يقطف ثمر وزهور
وإذا حنا تغلينا يقول البنت رجعيه

وأنا بنت الحسب والأصل ماني بنت غندور
ولا ني يا ولد مقطوع ولاني بنت شاويه

انا تفخر بي القيفان وبني من الخيال قصور
اسطرها وغنيها على الصفحات ورديه

وقافي ينطفي مره ومره يشتعل ويثور
ولي تاثير بالساحه ولي روياء حضارية

وانا متغطرسه كلي دلال وكبرياء وشعور
مع الرقه بياض الثلج ويكفيني قصيميه

وأنا فتنه وانا رقه وعلى مثلك ماني مجبور
ولك من قبل مارحل قصيدة لك وداعيه

فمان الله يا قلب الخيانه والغرام قبور
وعلى فكره قبل ما أمشي تشوف الموت بعينه

وعفتك وانتهت رحلة قساوة دربي المهجور
يحمل الموج الازرق جثته لأقصى موانيه

وأنا حبيت لي واحد وصار القلب له مأمور
والانسمع به ونوحي وله النفس مهديه

أمير القلب له بالقلب هلال ن وإلغلا جمهور
زعيم القلب جمهوره شقرديه شقرديه