تقرير رحلتي لـ #الفلبين

[اميرة عبد الدايم]

تقرير رحلتي لـ #الفلبين ..

السلام عليكم ورحمة الله وبركاته ..
كيف حالكم ايها الاقلاعيون ان شاء الله بخير ؟
اليوم راح اكتب عن رحلتي لدولة الفلبين في عام 2012 .. قلت خنشاركم فيها صح انها قديمة لكن الدولة تستاهل .. :

• الفِلِبِّين ، رسمياً جمهورية الفلبين، هي جمهورية دستورية تقع في جنوب شرق آسيا غرب المحيط الهادي.

• يقدر عدد سكان الفلبين بحوالي 92 مليون شخص

طبعاً الرحلة طلعت انا وواحد من الشباب .. ماحجزنا في السعودية الا التذكرة فقط .. من خطوط الاتحاد الاماراتية ..
الرياض > ابوظبي > مانيلا ( عاصمة الفلبين ) ..
مانيلا > ابوظبي > الرياض ..

طبعاً في البداية اعتذر عن رداءة التصوير لاني ماخذ كاميرا اختي ولااعرف اصور ابداً بكاميرات احترافيه ..

تجربة للكاميرا في مطار الملك خالد الدولي في الرياض ..



وهذي الصورة اول ماوصلنا للفلبين متجهين للفندق ويتضح رداءة الصورة وبقوة ..



رحنا لاحد الفنادق في العاصمة مانيلا نسيت اسمه والله لكن في منطقة تدعى " مكاتي " وهي زي العليا عندنا تقريباً ..
وطلعنا لسوق مول اسيا .. اكبر مول في اسيا او ثاني اكبر مول في اسيا بعد دبي مول ..


دخلنا فرينا المحلات فيه .. كبير جداً جداً جداً .. وخويي شاف هذا الشي وقال الا بشتريه غصب .. وماطلع مقاسه .. ولاحصل شي بمقاسه وقال ماعليه " بنحف " وللحين مانحف هههههه



ورحنا خذنا لنا قيم بولينق .. وبلياردو ..وتعشينا في المول ..



وجبت العيد بالكاميرا داخل المول .. وصلحتها بمحل كانون .. ومع الاسف طلعت من المول وجبت العيد في التاثيرات مره ثانيه ههههههه



طلعنا من بكرا متجهين الى جزيرة تدعى بوركاي .. او كما يسمونها الجنّة .. وكانت الامطار تملأ المدينة ..



ووصلنا المطار .. وهذي صورة للمطار من الخارج ..


هذي الطيارة الصغنطوطة بتاخذنا لبوركاي ..



ولقينا هذا المفطح في مجلاتها ..


وصلنا مطار بوركاي ..



ورحنا للفعاليات في الجزيرة .. بصراحة فعاليات خطيرة وتجنن ..







^
هذي اللعبة خطيرة ورهييييييبه ..



وهذا احد التكاسي عندهم ..

وفعالية الباراشوت ..






شاطئ بوركاي ..







ورحنا لصيد السمك .. مايحتاج اقول لكم اننا صدنا وحدة صغيرة بس ..



بعدها انتقلنا لجزيرة بنقلاو .. جزيرة تنفع لعرسان وشياب بعد .. كلش يسكر بدري ..
وسكنا في هذا الفندق.. ( هو اجمل مافيها صراحة ) .. فيها فعاليات لكن تخلصها كلها بيوم واحد ..

http://www.vb.eqla3.com/attachment.p...2&d=1436039691

http://www.vb.eqla3.com/attachment.p...1&d=1436039691

http://www.vb.eqla3.com/attachment.p...0&d=1436039691

وهي تشوكليت هيلز .. ( تلال خضراء ) - ( فراشات ) - ( غداء ع اليخت ) - ( اكبر ثعبان في الفلبين وتتصور معه )

وهذي التشوكليت هيلز ..


وفي الطريق دخلنا هذي الغابات الخضراء .. وخذت صورة ..



وهذا قرد التارشير .. ينام في النهار لكن يصحى في الليل وعيونه كنها فناجيل ..



وهذي محمية الفراشات .. يعلمونك عنها من اول ماتولد لين تكبر ..



وهذا اكبر ثعبان .. كنت خايف اصور معه صراحة لكن يوم شفت هالصغنطوطة صورت معاه .. قلت عيب عليك ، قم صور ...



وبكذا اختم موضوعي واسف على الاطالة .. وتكررت رحلتي للفلبين عام 2014 .. وتستاهل صراحة .. :

[اميرة عبد الدايم]

لا جد بس صورك الباقين حلوين فيه امل انك تصير مبدع دام هذي البدايه
تقرير خفيف ولطيف ومفيد للي يبي يزور الفلبين
يعطيك العافيه يارب