قدر .. قرم .. بيض الله وجهه .. بـ "صنقه"

[فارس]

يا علي .. لا الشعر عبدي..ولا هو..سيدي
صاحبي..له من جنوني .. ولي من منطقه

مايخون "الطيش" و "الملح " ياكود .. الردي !!
له عليّ .. إن ماسبقني على الطيب ... أسبقه

أعشق من الشعر كله : عيوني ... ورمدي ..!!
وأعشق من الكل .. بعضي .. إذا الصمت : نطقه

وأعشق من الليل : الأظلم .. وأشوف السرمدي :
قدر .. قرم .. بيض الله وجهه .. بـ "صنقه"

وأعشق من الصبح : الأكسل .. نسيم .. وفي يدي
دفتر .. يهدي العصافير ..لحظة مورقة

وأعشق من الصحبة: أم البساط الأحمدي
لا ..تهيّت ، وأعشق من العسل ..طلبة .." ذقه"!!

ياعلي .. كلّي نهايات ... من وين أبتدي..؟!!
ويا علي ... كلّه بدايات .. من وين أعشقه ..؟!!

له عيون .. ولي ضلالي بها ... لين أهتدي ..!!
وله عيون ... ولي : عليه البكاء ..لين أغرقه ..!!