إبتدى فيني الحنين ..

[فارس]

إبتدى فـيـنـي الحنـيـن يـحـرك الـقـلـب ويغزه
أح يا نـار الـفـــراق اللي تِـوَلَــع وسْـــط صدري

يحـتـرق قـلـبـــي علـيـك بكل حين وكـل حزه
هو عـشـق ولا محبـة أو جنون أو ويش مدري

مشكلـه طاريك لا جاء حك سـمـعـي وإستفزه
يقطع الله هالمـسـافه رحت عنّك ويش عذري

حزت في صدري كثيـر مـن الـغـلا ومن المعزه
فيك هاجـوسـي مـع الذكـرى كـذا والله يسري

لاسمعت إسمك يجي شيٍ وسَط صدري يخزه
أتـنـاسـى بـس زولك قِـدْم عـيـنـي دوم يطري

إنت في عـيـونـي لوحـدك ذوق روعـة مُز رزه
مـن يـحـاول لـو يقـلـد فيك شـيٍ قـلـت بدري

قـلـب فـي حبـك مـعـذب بـس تـكـفـى لا تلزه
ع الـبـكـــاء ولا الـنـدم كـان عـاده فـوق قدري

ولا تـفـكـر فـي الـعـواذل والنـفـوس المشمئزه
ولي عـيـونٍ فيك ترعى لين يفنى فيك عمري